Sun Kit 雜博落

早兩日去左書展,走馬看花,小小感覺. 完全唔明白,香港不嬲都叫文化沙漠,今年無漫畫無刀劍無明星,唔知點解仲有咁多人, 去到要排隊入,好彩都叫識郁,唔係三十幾度企係處等,死得啦.人多到長人兄都怕怕唔入黎. 入到去都係個句,人多啦,人多就無咩意欲去逼,又要護住老婆大人,又唔係有咩書特別想買,逼埋到去拎上手,老婆已經啤住,翻多兩頁就出warning"你又想買呀!”,我都未買第一本又何來"又買"呢. 轉戰hall 2,先搵左全力既攤位,係小小既一角搵到喬先生既小說,旁邊坐著既就係"香港第一遲筆"喬靖夫,一等三年,終於等到殺禪卷五,喬先生直頭係型英帥,得見真身,等多兩年都抵呀! 自從黃易張小嫻先後失蹤,書展淪陷,經濟受封鎖,去書展真係食之無味,今年如果唔係得知喬靖夫先生會到場簽名,小弟都未必有意慾出現. 最後連hall5都無行晒就走喇,收獲就只有殺禪卷五同埋訂左一年HIM(老婆屈左兩隻公仔,仲貴過一年書)

尋日去左書展, 嘩, 多人多到呀~~~行左3個鐘左右已經投降呀, 因為真係太累, 加上裡面又冇乜冷氣, 岩岩入到去個陣真係有d暈暈地呀, 好彩捱得住遮! 最開心就係老公係訂書個度, 個sales送多一隻公仔俾我, 哈哈, 老公想買左好耐ga喇, 不過因為貴得滯, 所以次次見到都係睇下, 摸下, 今次終於得到手喇, 正!! 行完就坐船船過返tst, 原先諗住去食拉麵ga, 但最後因為太累喇, 所以食pizza hut算, 食飽飽行多一陣街就返屋企喇! 今朝同左阿爸阿媽飲茶, 之後先去老公屋企打機, 打咁耐都仲未打完, 唔知幾時先打爆機可以賣左隻game呢?

今個禮拜唔知仲乜, 個人好攰, 可能夜訓既關係啦, 日日係公司一到4點幾5點就係咁釣魚. 唉, 今日先星期三咋, 幾時先到星期六ga? 今日同左Anna出街, 不過佢成7點幾先到, 我自己唯有行住街諗住買野俾老公, 點知都買唔到想買既野, 都唔知點解咁難搵既?! Anna來到就食左野先, 因為之後要陪佢揀電話呀ma, 揀左好耐都揀唔岩, 卒之個sales叫佢考慮下部3G, 佢一睇就話ok, 仲即刻買左添!! 講起上來真係好奇, 因為Anna尋日唔見左部電話, 如果佢上個禮拜唔係打來同我傾偈, 順便我又叫佢係公司裝個msn同我玩既話, 我諗我今日會做左個傻婆係到等佢囉, 好彩佢今朝係msn同我講尋晚俾人偷左個電話, 所有no.都冇晒, 如果唔係我都唔知點搵到佢呀!

今日又係星期一, 係成個禮拜最忙既一個早上, 不過忙完之後又係度坐喇, 都唔知點解冇野做仲要請咁多人做乜?! 今日check返學校個site, 睇下我係咪真係畢到業, 雖然之前既成績出左話我pass, 但係前日收到封warning letter, 話我帶本雙語字典入試場喎, 唔係呀, 個朝考完試我即刻打返去學校問係咪唔用得, 佢地都話冇問題既. 雖然考晏晝個科依然俾人mark左名, 但既然問過話冇問題梗係照用啦, 之後CQU都send左封email話冇問題ga, 點解而家又會收到封咁既信ga, 再者呀, 之後考既同學都有用字典ga, 但又冇mark到佢地個名, 咁對我地呢d mark左名既好唔得fair遮, 係咪考第一日就要收信, 之後個d可以當冇事先, 卒之我今日send左封信返學校叫佢地了解, 如果佢地唔覆我的話, 等我過兩日再打返去問下咩一回事, CQU話就話唔追究遮, 但始終有個record係度唔係咁好呀ma, 好似我犯左d咩事咁!

見到dic dic介紹個日文名Name Generator,我自己又搵左幾個. Character Name Generator 呢個係專門俾玩D&D既朋友可以改個好名,我就係 Ricmorn Darksbane (Male Elf Ranger) Also known as... Ricmorn the Ranger Lord Ricmorn Lord Darksbane Lord Ricmorn Darksbane the Ranger Lord Ricmorn Darksbane Evilbane Ricmorn Darksbane the Animal Handler 仲有一個係STAR WARS既Name Generator,我又係CHE-RO KIhon 呢兩個都係有根有據去造個名出黎架,唔係而家個d是旦random一個出黎就算,幾好玩! 呢篇係我寫架,點知用左我老婆個草稿.

今日再有個人打俾我同我根進返尋日件事, 但佢12點打俾我, 話sales個邊仲未查到咩原因, 唔係呀, 俾左成個朝早俾你地仲未查到, 既然係咁, 又叫個高級既同我講, 又俾我狂鬧佢, 卒之答應我3點之前一定有回覆! 嗯, 呢次真係有答案喇, 就係我個度根本裝唔到, 哈哈, 攪左咁耐, 原來係裝唔到, 所以一直都冇record, 個陣我岩岩有野做緊, 所以我問左佢點解明知做唔到, 仲要拎我d資料, 同埋點解唔打返俾我同我講做唔到, 佢地話會調查下, 算數! 過左一陣, 今朝同我傾個個高級打俾我, 問我收到佢地同事既電話未, 個result點樣, 我咪同佢講裝唔到囉, 但我再質疑佢點解我之前打2次上來都話裝到, 而家竟然話裝唔到, 佢話再同我check下, 隔左冇耐, 有第二個人打來話基本上我個個屋苑係街邊申請係裝唔到既, 但透過電話就得, 好, 既然佢話得既咪申請囉, 但我當然要同佢講返補償問題啦, 佢竟然大返我問我之前邊個應承我有補償, 我咪話佢聽囉, 佢就即刻話免我一個月, 哈哈, 算佢啦~~~~~我覺得自己好似Alan Ho添!!

今日雖然係13號, 但俾人攪到我十分之㷫, 都唔知d人點做野ga! 話說3號個日我係街申請話轉屋企個電話啦, 尋日我見無聊, 咪打上去pccw check下佢地收到我終止服務張form未囉, 因為佢地要早1個月通知呀ma, 點知佢地竟然話收唔到, 唔係呀, 之後打去和記問啦, 問佢地攪咩, 點解仲唔同我遞上去, 佢地查過部電腦話冇我既record, 下, 唔係呀, 我一早都問老公我洗唔洗打俾個sales提佢幫我快d遞紙ga啦, 佢又話唔洗提, 人地又唔係第一次做, 好囉, 而家咪攪到咁喇! 尋日因為我冇帶張contract係身, 所以唔知個no., 於是我返到屋企再搵之前同我contact開個人, 打上去customer service, 佢話個個人放左工, 玩野咩, 我明明問清楚佢話收夜晚12點, 點解7點打俾佢就話放左工, 究竟邊個係度玩野呀. 今日有另一個人打俾我, 點知話之前冇同我contact開, 下, 點攪ga, 我開始對佢地既服務有d失望喇, 原來尋晚個接線生攪錯左, 唔係呀, 講埋個direct line俾佢聽, 咁都可以搵錯人既, 點做野ga d人! 今日再打俾佢, 成3點幾先搵到佢, 鬧佢一親之後, 佢話5點前幫我查下咩事再覆我, 好喇, 5點個陣再打俾我, 話sales個邊d同事會係6點前覆到我, 好, 我等你! 到左6點佢地仲未覆我, 我已經開始㷫喇, 返到屋企再次打俾個個人問佢同我根進成點, 佢依然都係答唔到我, 算數, 我唔同你講, 再叫個高d既人同我講, 條友返12點, 放12點, 如果依然都係佢follow既話, 咁我咪有排都冇答案! 叫個高級d既同我講係唔同d既, 佢話會盡快處理呢件事, 咁我當然洗出我師奶既本色, 叫佢補償返我既損失啦, 因為而家唔可以準時轉台, 照道理我要俾多幾日錢俾pccw, 但個高級既話查左睇下咩事先再傾補償既野woo, 好呀, 我慢慢同你玩落去!! 由於俾佢攪到我好㷫, 所以今日都冇出街同老公慶祝, sorry呀!

今日好開心, 因為終於check到上個sem.考成點喇, 就係2科都係岩岩pass, 真係有驚無險呀, 我諗我考試真係考得好差, 好彩assignment搭夠咋, 如果唔係都唔知點算! 而家可能得閒啦, 所以個個禮拜都要諗去邊好, 今日諗左好耐先諗到去沙田行街, 如果唔係有克勤, 我諗都未必會去呀, 都好既, 消磨左成個晏晝~~~睇完克勤, 行左陣街, 就去食上海野, 連續2晚都係食上海野, 但係2度既分別就大喇! 既然而家畢到業喇, 即係有資格入CPA啦, 我諗玩埋呢1個月, 收到d material之後就要俾心機溫習喇, 呢d冇堂上, 全部都係靠自己去自修ga咋!!

今日冇返工走去報CPA, 諗左成個禮拜終於都係去報, 都未嘗唔係一件壞事既, 起碼如果真係入得到, 可以同人講我係CPA既member, 講出來都prof 啲呀~~~ 交完form我同老公就去左食lunch, 之後落左去太古行街, 嘩, 唔知係咪差唔多放暑假呢, 通街都見到好多學生哥, 今日平日咋woo, 周圍都勁多人. 行到咁上下, 就落返銅鑼灣食飯, 不過都唔知食咩好, 老公又腸胃炎, 好多野都唔食得, 諗左好耐就去time square睇下有咩好食, 逐層逐層行, 見到有1間6點半未夠已經要等位, 於是乎咪去試下啦, 等左一陣就有位喇, d野食都唔錯, 我地叫左個手拉麵食唔晒要拎走添, 埋單都係200蚊左右, 算係抵啦, 因為都叫左幾多野食! 之後諗住行陣街添, 不過老公話唔舒服, 所以就搭車返屋企喇!! 今日本來出result, 知道考成點, 畢唔畢到業, 點知學校個網入極都入唔到去, 唉, 聽日一定要早d起身check呀, 我真係好想知道考成點呀, 好好醜醜都俾我知道下!

今日一返到公司, 條友問7仔6月幾時埋到數, 咁我梗係聽埋一份㗎啦, 佢都傻既, 大陸d數全部都未落來, 就算係我地都係得香港盤數咋喎, 唔係咁都要睇呀, 睇來有乜意思先, 7仔同佢講話下個禮拜尾SH同GZ應該落到來, 但佢都話唔等喇, 埋左先喎, 好, 佢係阿head, 佢話點都要㗎啦!! 之後7仔就同我講問我6月d數攪成點, 我尋日收工已經同佢講左我6月做晒bank rec., 仲有唔係好多野做, 所以埋數隨時都得, 不過就係要等某人俾返d料我入嗰幾條數遮! 好彩shipping嗰邊未cut到住, 如果唔係今個禮拜要交到俾佢睇都未定呀!! 唉, 呢個禮拜真係好煩呀, 上個禮拜聽完CPA個講座, 都唔知入唔入會好, 心大心細, 本來都諗住唔入㗎喇, 但今日諗諗下又想入喎, 是但啦, 都用左咁多錢去讀個degree喇, 唔爭在啦, 希望5年內考晒6科去就好喇!! 仲有一樣野煩就係公司最近既資金流動得好唔平常, 明明有錢可以出埋6月嗰一半人工既, 點解另願擺喺度呢? 加上冇啦啦所有銀行既document都加埋契仔個簽名上去, 都唔知大陸個老細想點, 契仔又係長註BJ既, 加唔加簽都冇乜大作用遮, 究竟仲乜事呢; 再加上被調上大陸做野嗰幾個人冇啦啦要追返晒上年開始既allowance喎, 之前一直都冇追開既, 都唔知d人係咪收到d咩風, 所以先咁? 真係好唔明係咪想將所有錢調晒上大陸喎???

今日係咸小姐既生日, 我地6個終於齊人出來食飯喇! 之前諗住去沙田既, 但有人提意不如去九龍塘woo, 咁咪試下囉. 估唔到今日個2個男既咁早就到左, 主角竟然最遲呀! 上次同咸小姐去Friday食飯, 見到d人唱晒生日歌吹晒蠟燭咁, 今次到佢啦, 嗯, 個feel真係好正呀! 今日食飯食得好開心, 大家笑下大家, 雖然而家各有各係唔同公司做野, 但d關係都keep住咁樣, 算係咁啦, 希望繼續都係咁啦~.~ 呢2日係公司都係坐, 成日都諗有咩可以做, 本來可以好快就埋左6月香港盤數既, 點知有人又話佢部機死左, 而家整返好喇, 又趕住報價, 都唔明點解佢成日都咁多野做ga, 真係咁多野做既, 不如請多個人返來幫手咪仲好!

再來一個 [很餓] - 張草 一日搞掂,犧牲我返工放工搭車訓覺既時間. 上次睇完張草既滅亡三部曲之後,其實係想睇雲空行先, 不過為夠數碌咭買左,就會一會佢. 呢本咁既野,真係唔知好定唔好喇! 一半一半,有幾個故事真的不錯, 有d可能係之前睇過,感覺不大, 而且對比小弟一直推祟既倪匡短篇黎睇,差得很遠,有少少眼高手低. 不過故事中睇得出作者係有d野想講咁,嗒落有少少野咁啦! 一看無妨,俾錢買就唔係咁抵.

先來一本[清明上河圖] - 張國立 二日唔夠ko. 正!好正!好很正!欲罷不能! 一.又係因為中國既歷史背景,小弟真係有d中史情意結,小說加正史野史,穿鑿附會,正! 二.感覺很好,全書連綿緊扣,再加上一股淡淡的亡國之痛,對國家忠臣慷慨就義既反思,正! 小弟文筆很差,無法用文字充份表達出確當既感覺,總之係正. 呢本值得推介.

又一個典型白羊三分鐘熱度既例子! dic dic係書版為大家帶黎blog同TUP之後,我又多樣野可以打發下時間,不過唔知又可以維持幾耐呢! 將版面改黎改去,今日多得TUG開放了web hosting,可以有地方擺自己既css,唔使再係個幾個揀無可揀,仲要有被改版之危既模版中\"委曲求存\"! 終於有自己既家,自己既裝修,感覺真好,所以我一定唔可以租屋住!

好一個GMail,網路上有關gmail既討論,之後一定跟著一串長長既人龍索求a/c一個. 多謝dic dic邀請了我,令我有機會試一試這個新玩意! 兩個星期,最後興味索然! GMail有甚麼好?我只感覺到煩煩煩! 1G咁大,緊係搬晒我儲左咁多年既mail上去啦! gmail無import功能唔緊要,網絡無彊界,大把人寫呢d小程式! 小程式唔support outlook express,無法啦,bill叔唔得人鐘意嘛! Mozilla Thunderbird,The Bat,Eudora,試了又試,機都無時間打! 唔support utf-8,唯有死死地用outlook express自己一個個foward上去!做左40個我已經想死,仲有4百幾等緊我,我決定放棄! 等到可以邀請其他人,得一個quota緊係俾左老婆先啦! 問題又黎喇!老婆個英文名得5個字母,min要6個,試左幾個用開既網名都reg左,又唔想擺埋個姓落去,諗了又諗,試了又試,最後自創新名,ronnsy,真係佢的名字我的姓氏,RONald係我,wiNSY係佢. Hotmail有消息加到250mb,好,用hotmail只是因為直接support outlook express,方便,用outlook express只因為習慣. 雖然老婆成日都話我似豬,不過豬mail我真係無興趣喇!亦玩佢唔掂! GMail被打入冷宮,不過比yahoo好一點,我每天都會check一次gmail,yahoo只會一星期一次. 1G既mail有咩用?等你去發掘啦,唔使預我! 或者,有咩新消息我又會再次投入! 好一個典型白羊既三分鐘熱度!